8.5.10

"Los neños de La Calzada" (Páchin de Melas)

Poema leido por el autor en la inaguracion de un parque
infantil, en el barrio gijones de La Calzada, en 1915
--
¡Qué seriones, que formales

tan los neños de La Calzada...!

¡Como escuchan los probinos

a la xente qu'aquí fala!

¡Ay! que guapos rapacinos

que no gorguten migaya.

!Ay si agora un paxu piescos

per alli s'esparramara...

!adiós¡ con el cuartu seriu

de la tropa 'sgalazada

per pañar un piescu verde

y royelu hasta la gaspia

o pevita, ye lo mesmo,

el güen diente tóo lo blandia.

¿Y si fuesen cirigüeñes,

manzanes, cereces?..¡mialma

si nel suelu queda una

que non seya 'sgatuñada¡

¿Doivos dentera moninos?

¿Faisevos la boca agua?

Perdonaime, tóo ye groma

del magüeto que vos fala.

¡Ay, probinos! pa utra cosa
esta fiesta fue 'ntamada.

Paxaros, flores y neños

facen reviciar el alma
fuxendo llercies, llaceries,

dolor, llantu, pena, llácara

y semando d'allegries

la vida que ye una llárima.

Cántigu que na 'espesura

saltarin paxaru 'ntama

llanciando al sol gorgorinos,

pala fema 'namorada;

arrume de belles flores

na soles de 'nramada

quel vientu sele lu lleva

y suavin muy suave lu aña;

caricies del guapu neñu

que na so melosa fabla

fainos rir a tutiplén

y de oyelu cai la baba.

Son querencies de la vida,

ye amor, poesia, alma,

ye `l sentir de los humanos,

ye vevir la paz y calma,

ye tóo xunto l'allegría

que del cielu vien per gala.

¡Ay, probinos los mios neños,

rapazos de La Calzada¡

Ya teneis vuestro xardín

onde reblincar con gana;

ya tenéis flores y árboles

que sol, mar y brisa baña..

sois felices, muy felices

ena inocencia del alma.

Si algún día, yo, vieyín,

(non en balde ´l tiempu pasa)

cimbláu co la carga a cuestes

que los años sofitara

tembleque, mediu cieguín,

con el alma atristayada

de sufrir y padecer,

de luchar na vida amarga,

subiera a rastres los pies

fast'aqui, fasta La Calzada,

dexime tomar el sol´

nel xardín de la neñada

al par de les belles flores
ena querida barriada,

mientres blincáis, xunto a min

riyendo con toa gracia

y los páxaros allegres

canten amor y esperanza....

¿Dexareisme miós neñinos,

rapazos de La Calzada?
------------
Emilio Robles Muñiz (Pachín de Melas)
Gijon (Asturias)-1877-1938