16.12.10

"Cantar de Navidad" (Bernardo Guardado)

Bendites sean les payes,
dixoi María a José
que guarden e nos payaresl
los pastores de Belén.
Por siempre bendites sean,
dixoi a la mula el güey;
que ya tién el rapacín
cuniquina onde ñacer.
¡Bendites sean les payes
de los pastos de Belén!
-Sientu que se mueve'l neñu,
apalpa y verás, José,
piensu que ha venir al mundu
antes del amañecer.-
-Que ansí sea, y que non tengas
demasiau que padecer.
Que non te dè sofrimientos
a la gora de ñacer.-
-¡Que ansina sea!- dixenon
al par la mula y el güey.
Y'asoma un rayín de sol
e nel cielu de Belén;
y llora muy dolcemente
nel pesebre un nuevo ser.
Ye'l rapacín que ñaceu
de María y de José.
Al so llau averadinos,
faciéndulu calecer
co la callor del so cuerpu,
están la mula y el güey.
Mandai María boscar
un pañalin a José,
que de ñerviosu que tá
non ye quian a dar con el.
¿Será porque non lo atopa
o será que non lo tién?
Ya cuerre la bona ñueva
los rincones de Belén.
-El neñu que s'asperaba
ya tá aquí; venií a ver.
Ta desnudin y tién fame
mirai qué i podéis trayer.-
Y los primeros que lleguen,
corriendu a tou correr,
son los pastores que tán
casi tan probes como él.
Pero toos trayen algu,
ya seya fariña o miel;
un poqueñín de mantega
o un trapu en qué lo engolver.
-¡Ay!, qué rapacín tan guapu;
que Dios lo guarde pa bien.-
Van mermurando ún a ún
los pastores de Belén.
Y mientras tanto María
sonriyese con José:
viendu al neñu nel pesebre
ente la mula y el güey.
Bernardo GuardadoRodriguez
(Aviles; 1913-1982)



2 comentarios:

M. Jesús Verdú Sacases dijo...

Paso a dejarte un cariñoso saludo después de tanto tiempo

Nicole Sagan dijo...

Hola Cani, ¿me recuerdas? Soy Arwen, bueno, Carolina, de Las Letras.
Te he seguido la pista y encontré tus maravillosos blogs.
En el mío tengo un regalito para ti.
Este es el link. ¿Vendrás?
http://danzandoencasasolaydescalza.blogspot.com
Muchos besos. Te echo de menos.